شهّر معانا – بلادكم

عندك حانوت، مقهى، ولا خدمة في القرى الخمسة وتحب الناس تعرفك؟ تنجم تحجز مكان إشهار في صفحات بلادكم.

شنوّة الفرق بين الإعلان والإشهار؟

الإعلان هو الحاجة اللي تبيعها ولا تكريها — دار، كرهبة، حانوت — والناس تلوّج عليها هوني وتلقاها.

الإشهار حاجة أخرى: صورة متاع حانوتك تظهر في صفحات الموقع، حتى قدّام ناس جاية تلوّج على حاجة أخرى كل كل. كل إشهار مكتوب فوقو كلمة «إشهار»، باش يبقى واضح شنوّة إعلان وشنوّة إشهار مخلّص.

وين يظهر الإشهار، وقدّاش مقاسو

عندنا ثلاثة أماكن، وكل واحد عندو مقاسو:

شريط تحت الصفحة — 1200×300 بكسل (نسبة 4:1). هذا الأكبر والأكثر ظهوراً: يجي تحت كل صفحة في الموقع.
خانة في العمود الجانبي — 600×500 بكسل (نسبة 6:5). مربّعة تقريباً، تجي في جنب الإعلانات.
شريط فوق الفوتر — 1200×250 بكسل (نسبة 5:1). شريط رفيع في قاع الصفحة.

شروط الصورة

الصيغة: JPG ولا PNG.
الحجم: تحت 300 كيلو. الصورة الثقيلة تبطّئ الموقع على الكل.
الكتابة: إذا فما كلام في الصورة، خلّيه كبير وفي الوسط. التصويرة تتصغّر في التلفون والكتابة الرفيعة ما تتقراش.
الجوانب: ما تحطّش حاجة مهمة قريبة برشة من الطرف — الصورة تتقصّ شوية على حسب عرض الشاشة.
ما عندكش صورة جاهزة؟ ابعثلنا اللوغو وتصويرة للحانوت ونحنا نركّبوها.

تنجم تختار القرى

إذا مقهاك في غار الملح، ينجم الإشهار يظهر كان للناس اللي تقرا على غار الملح. ولا يظهر في القرى الخمسة الكل — كيف ما تحب.

آش نحتاجو منك

الصورة بالمقاس اللي فوق
اسم الحانوت
رقم واتساب ولا موقع ويب — كيف الناس تُنقر على الصورة تتوجّه لهناك
سطر صغير يتكتب تحت الصورة (اختياري)
القرى اللي تحب تظهر فيهم

قدّاش يقعد؟ وقدّاش الثمن؟

الإشهار يقعد ظاهر حتى للتاريخ اللي تخلّص عليه، وكيف يوفى يتخبّى وحدو — ما يتمسحش. تنجم تحيّيه في أي وقت.

الثمن على حسب المكان والمدة والقرى اللي تختارهم. اتصل بينا ونتّفقو.

آش تعرف على الإشهار متاعك

نحسبولك النقرات: قدّاش من واحد نقر على الإشهار وتوجّه لعندك. الرقم هذا صحيح.

وما نحسبوش «المشاهدات». صفحات الموقع محفوظة في الكاش باش تتحل بسرعة، ومعناها رقم المشاهدات يجي تخمين. ونحنا ما نعطيو حتى واحد رقم مخمّن.

كيفاش تطلب

ابعث لنا على contact@bledkom.com وقلّنا: اسم الحانوت، القرية، وشنوّة تحب تشهّر بيه. نردّو عليك في يوم.

وإذا تحب تحط إعلان عادي بدل الإشهار، الطريق موجود هوني: كيفاش تخدم بلادكم.